*ब्लॉसम इंटरनॅशनल स्कूल मध्ये विठ्ठल नामाचा गजर दुमदुमला*
नंदुरबार(प्रतिनिधी):-ब्लॉसम इंटरनॅशनल स्कूल येथे आषाढी एकादशीचा शुभारंभ, अध्यक्षा सौ विद्या पाटील यांच्या हस्ते करण्यात आला. ब्लॉसम इंटरनॅशनल स्कूल नंदुरबार येथे आषाढी एकादशीनिमित्त कार्यक्रम मोठ्या उत्साहात आणि भक्तिमय वातावरणात आषाढी एकादशी उत्सव साजरा करण्यात आला. यावेळी चिंतामणी महिला एज्युकेशन सोसायटीच्या अध्यक्षा सौ. विद्या पाटील संस्थेचे सचिव युवराज पाटील, शाळेच्या प्राचार्या जयश्री ॲलेक्स यांनी विठ्ठलाच्या प्रतिमेचे पूजन करून विठ्ठलाची पालखी व दिंडी काढण्यात आली. दिंडीत शाळेतील शिक्षक-शिक्षकेतर सर्व विद्यार्थ्यांनी संत ज्ञानबा तुकाराम जय हरी विठ्ठल असा जयघोष करून संपूर्ण परिसर भक्तिरसाने भारावून काढला. विद्यार्थ्यांनी नृत्य, अभंग, गायन, भजन व विठ्ठल रुक्मिणी वेषभूषा परिधान करून सादरीकरण केले. तसेच आषाढी एकादशी वर मनोगत व्यक्त केले. कार्यक्रमाच्या शेवटी सर्वांनी विठ्ठल नामाचा गजर करून प्रेम, ऐक्य आणि मानवतेचा संदेश दिला. कार्यक्रम यशस्वीरीतीने संपन्न झाला.