*देवरे विद्यालयातील विद्यार्थ्यांनी अनुभवला वारकरी दिंडी सोहळ्याचा अनुभव*
नंदुरबार(प्रतिनिधी):-श्री.धंगाई विधायक कार्य मंडळ म्हसदी संचलित आत्माराम धवळू देवरे माध्यमिक विद्यालय विखरण येथे आषाढी एकादशीच्या पावन पर्वानिमित्त  वारकऱ्यांचा दिंडी सोहळा उत्साहात साजरा झाला. विदयालयातील विद्यार्थ्यांनी पारंपरिक वारकरी संस्कृतीचा अनुभव घेत उत्साहात पालखी व रिंगण सोहळ्याचे आयोजन केले. विठ्ठल-रुक्मिणीच्यांसह पांडुरंगाचे वारकरी वेशभूषेत, टाळ मृदुंगाच्या नादात घोष वाक्यांच्या गजरात 'ज्ञानोबा तुकाराम' च्या जयघोषात, भजन, अभंग, नृत्याविष्कारांसह बाल वारकरींनी सोहळ्यात विठ्ठल नामाचा जयघोष करत भक्तिमय वातावरण विखरण गावात  निर्माण केले. पांडुरंगाच्या वेशभूषेत मोहिनी जगदीश पाटील तर रुक्मिणी वैष्णवी घनश्याम लोहार यांनी भूमिका बजावली. दिंडीतील पालखीचे दारोदारी गावातील भगिनींनी पूजन व औक्षण केले. विखरण गावात चौका चौकात सामूहिक नृत्याने पालक व ग्रामस्थांचे लक्ष वेधून घेतले. रिंगणामध्ये लेझीम सह,फुगडी खेळत विद्यार्थी, मुख्याध्यापक, शिक्षक शिक्षकेतर कर्मचारी, पालक यांनी देखील सदर वारकरी दिंडीत उत्साहाने सहभाग घेतला. मुख्याध्यापक डी.डी.साळुंके यांच्या मार्गदर्शनाने व उपशिक्षक सी. व्ही.नांद्रे, डी.बी. भारती, एम.डी. नेरकर वाय.डी. बागुल, डॉ.आर. आर. बागुल,एम. एस.मराठे, ए.एस. बेडसे, एस.एच. गायकवाड, व्ही. बी.अहिरे, एस.जी. पाटील, एच.एम. खैरनार आदींनी संयोजन व सहकार्याने वारकरी दिंडी उपक्रम यशस्वीपणे संपन्न झाला.