*तळवडे गावची सुपुत्री श्रद्धा पराडकरचा कोकण सन्मान पुरस्काराने गौरव*
राजापूर(प्रतिनिधी):-आपल्या अभिनयाने कोकणच नाही तर अवघ्या महाराष्ट्रामध्ये इंस्टाग्राम रील्सच्या माध्यमातून शॉर्ट कंटेंट करत प्रसिद्धी मिळवली अशा तालुका राजापूर, जेतळवडे गाव, पराडकर वाडीतील कु. श्रद्धा बाळु पराडकर हिचा कोकण सन्मान पुरस्कार देऊन सन्मानित केला. छत्रपती शिवाजी महाराज नाट्यमंदिर दादर येथे कोकण सन्मान 2026 चे आयोजन केले होते. या सोहळ्यासाठी अनेक कोकण कलाकारांनी सहभाग नोंदवला आणि आपली कला सादर केली.
श्रद्धाने 'सीता' या पात्रासाठी सहभाग घेतला होता. तिने सीता हे पात्र खूप सुंदर निभावले. श्रद्धाने केलेल्या अभिनयाला प्रेक्षकांकडून उत्स्फूर्त प्रतिसाद मिळाला. तिच्या या कलेचा सन्मान म्हणून कोकण सन्मान पुरस्कार देऊन तिचा गौरव केला. तिच्यासाठी ही गोष्ट सन्मानास्पद आहे. सर्वत्र तिचे कौतुक होत आहे.