*के.डी. गावित प्राथमिक विद्या परिवर्धा येथे नवीन शैक्षणिक वर्षाचे स्वागत ‘शाळा प्रवेशोत्सव’ अत्यंत आगळ्यावेगळ्या आणि उत्साही वातावरणात साजरा*
शहादा(प्रतिनिधी):-आदिवासी देव मोगरा एज्युकेशन सोसायटी नटावद संचलित. के.डी. गावित प्राथमिक विद्या परिवर्धा ता. शहादा जि. नंदुरबार येथे नवीन शैक्षणिक वर्षाचे स्वागत करण्यासाठी ‘शाळा प्रवेशोत्सव’ अत्यंत आगळ्यावेगळ्या आणि उत्साही वातावरणात साजरा करण्यात आला. शालेय शिक्षणाचा पहिला दिवस विद्यार्थ्यांसाठी आनंददायी आणि संस्मरणीय ठरवण्याच्या उद्देशाने विद्यामंदिराच्या वतीने विविध उपक्रमांचे आयोजन करण्यात आले होते.तसेच प्रवेशित विद्यार्थ्यांना ट्रॅक्टर ट्रॉलीमध्ये बसवून मिरवणूक काढण्यात आली व प्रवेशित बालकांना गुलाब पुष्प देऊन त्यांचा सन्मान करण्यात आला यावेळी गावातील सरपंच सौ सपना शेवाळे व शालेय व्यवस्थापन समितीच्या सदस्या दिपाली मराठे, कोकीलाबाई पवार तसेच शाळेचे मुख्याध्यापक विपुल नवले यांच्या हस्ते विद्यार्थ्यांना पाठ्यपुस्तके देण्यात आले, तसेच कार्यक्रमाच्या यशस्वीतेसाठी उपशिक्षिका शितल मोरे, मनीषा पाठक, छाया पाटील यांनी परिश्रम घेतले व उत्साहात कार्यक्रमाचा समारोप करण्यात आले.