*पाळ्टोक धनगरवाडीला अखेर वीजपुरवठा सुर*
पाचल(प्रतिनिधी):-लांजा तालुक्यातील कोंडगे गावातील पाळ्टोक धनगरवाडी येथे गेले पाच दिवस वीजपुरवठा खंडित झाल्याने पाळ्टॊक धनगर वाडीतील ग्रामस्थांना मोठ्या अडचणींचा सामना करावा लागत होता. तेथील काही ग्रामस्थांनी संबंधित वायरमन व वीज विभागाशी संपर्क साधण्याचा प्रयत्न केला, मात्र दुर्गम डोंगराळ भाग असल्यामुळे या समस्येकडे अपेक्षित लक्ष दिले जात नव्हते. त्यामुळे नागरिकांमध्ये नाराजीचे वातावरण निर्माण झाले होते. यावेळी पाळ्टोक धनगरवाडी येथील गंगाराम गोरे यांनी  सचिन बेर्डे यांची भेट घेऊन धनगर वाडीतील ग्रामस्थ्यांच्या अडचणी त्यांच्यासमोर मांडल्या. परिस्थितीची गांभीर्याने दखल घेत सचिन बेर्डे यांनी तातडीने महावितरणच्या संबंधित अधिकाऱ्यांशी संपर्क साधून नागरिकांच्या समस्येची जाणीव करून दिली. तसेच वीजपुरवठा लवकरात लवकर पूर्ववत न झाल्यास तीव्र भूमिका घेण्याचा इशाराही दिला. त्यानंतर काही तासांतच महावितरणचे अधिकारी, लाईनमन व त्यांच्या संपूर्ण पथकाने घटनास्थळी पोहोचून दुरुस्तीचे काम हाती घेतले. अखेर अथक प्रयत्नांनंतर पाळ्टोक धनगरवाडीचा वीजपुरवठा पूर्ववत सुरू करण्यात आला.
वीजपुरवठा सुरू झाल्यानंतर ग्रामस्थांनी समाधान व्यक्त करत सचिन बेर्डे यांचे आभार मानले. "नेतृत्व म्हणजे केवळ आश्वासने नव्हेत, तर सामान्य माणसाच्या अडचणीच्या वेळी त्याच्या पाठीशी उभे राहणे," याची प्रचिती सचिन बेर्डे यांच्या कार्यातून आल्याची भावना अनेक ग्रामस्थांनी व्यक्त केली.
"जनतेच्या प्रश्नांसाठी तत्पर धावून जाणारे नेतृत्व म्हणजे सचिन बेर्डे", अशी चर्चा सध्या परिसरात होत असून ग्रामस्थांनी त्यांचे मनःपूर्वक आभार मानले आहेत.