*आजिवलीतील श्री गणेश कोठारवाडी सेवा मंडळाच्या 21 व्या वर्धापनदिनानिमित्त कार्यक्रम*
राजापूर(प्रतिनिधी):-तालुक्यातील श्री गणेश कोठारवाडी सेवा मंडळ गेली 21 वर्ष श्री गणेश मंदिर वर्धापन दिनानिमित्त दरवर्षी विविध कार्यक्रमाचे आयोजन करत असते. त्याप्रमाणे यंदाही भक्तांच्या सेवेसाठी हे मंडळ सज्ज झाले आहे.
उपरोक्त मंडळाच्या वतीने 5 मे रोजी सकाळी 9 वा. महागणेश यज्ञ करण्यात येणार आहे, दुपारी महाप्रसाद
व सायंकाळी पारंपरिक कार्यक्रमात 8 वाजता भक्तांसाठी नामांकित दशावतार नाटक व 11 वाजता पारंपारिक पालखी नृत्य स्पर्धेचे आयोजन करण्यात आले आहे, तसेच 6 मे रोजी सकाळी नऊ वाजता श्री सत्यनारायणाची महापूजा व दुपारी महाप्रसादाचे आयोजन करण्यात आलेले आहे तरी सर्व भक्तांनी प्रसाद व महाप्रसादाचा लाभ घ्यावा ही मंडळाकडून विनंती करण्यात आली आहे तसेच सायंकाळी 8 वाजता, पारंपारिक ढोल वादन स्पर्धा व रात्री 11 वाजता पारंपारिक लावणी लोक नृत्य स्पर्धेचे आयोजन करण्यात आले आहे. या सर्व स्पर्धेचे  प्रथम 11000 चषक, द्वितीय 6000 तृतीय 4000 अशी बक्षीसे देण्यात येतील तरी पालकी नृत्य, ढोल वादन या संघांनी आपली एन्ट्री पक्की करावी, तसेच लावणी कलाकारांनी सुद्धा आपली नावे नोंदवावी प्रथम येणाऱ्या 15 स्पर्धकांना प्राधान्य देण्यात येईल.
गणेश भक्तांनी आणि कला प्रेमींनी या कार्यक्रमाचा भरभरून आस्वाद घ्यावा  सदर कार्यक्रम हे श्री गणेश मंदिर कोठारवाडी, आजिवली येथे उत्साहात साजरे होणार आहेत अधिक माहितीसाठी  चेतन राणे-7045749928 निलेश राणे-  9403260408 या भ्रमणध्वनीवर संपर्क साधावा असे आवाहन मंडळाच्या वतीने करण्यात आले आहे.