*नंदुरबार जिल्हा समस्त आदिवासी जनसमुदाय, आदिवासी महासंघ, महाराष्ट्र यांच्या वतीने नंदुरबार जिल्ह्यातील स्थानिक समस्या, राज्यस्तरीय मागण्यांबाबत निवेदन*
नंदुरबार(प्रतिनिधी):-नंदुरबार जिल्हा समस्त आदिवासी जनसमुदाय, आदिवासी महासंघ, महाराष्ट्र यांच्या वतीने नंदुरबार जिल्ह्यातील स्थानिक समस्या, राज्यस्तरीय मागण्यांबाबत निवेदन
देण्यात आले. जनगणनेत आदिवासींसाठी स्वतंत्र धर्मकोड मुद्दा, बिगर आदिवासींचे आदिवासीं मधील संभाव्य समावेशन विरोधात, 12520 पदे रिक्त घोषित करुन ती अनुशेष सह विशेष भरती मोहीम, छोटा संवर्ग बिंदू नामावली दुरुस्ती, व ईतर 25 मागण्यांच निवेदन नंदुरबार जिल्हा दोऱ्यावर असलेल्या महाराष्ट्र विधानमंडळ अनुसूचित जमाती कल्याण समिती अध्यक्ष दौलत दरोडा यांना देण्यात आले. शासनास याबाबत शिफारशी ठामपणे करु असे आश्वासन त्यांनी निवेदन कर्त्यांना दिले. त्यावेळी आदिवासी महासंघाचे अष्ट मंडळ अध्यक्ष अरविंद वळवी, महासंघाचे कृष्णा गावीत, आदिवासी न्याय हक्क अधिकार सुरक्षा समितीचे वासुदेव गांगूर्डे, सामाजिक कार्यकर्त्या मालती वळवी, आदिवासी मौखिक साहित्य परिषदेचे मुख्य संयोजक भिमसिंग वळवी, सेवानिवृत्त उपजिल्हाधिकारी कालूसिंग वळवी, साप्ताहिक माळमाथाचे पवार आदि कार्यकर्ते उपस्थित होते.