*गुरव विकास प्रतिष्ठान महाराष्ट्रच्या वतीने जोतिबाच्या पुजारी बांधवांना समर्थन पत्र*
मुंबई(प्रतिनिधी):-4 एप्रिल रोजी गुरव विकास प्रतिष्ठान महाराष्ट्रचे अध्यक्ष नवल शेवाळे, कार्याध्यक्ष रविंद्र गुरव, उपाध्यक्ष राजाराम गुरव, खजिनदार सुरेश गुरव, ठाणे शहर अध्यक्ष दिवाकर गुरव, आंबा गावचे आंबेश्वर देवस्थानचे पुजारी रामचंद्र गुरव आणि इतर पदाधिकारी यांनी 22 मार्च रोजी जोतिबाच्या देवस्थान परिसरात गैरवर्तनाबाबत पुजारी बांधवांची भेट घेतली व सर्वात महत्त्वाचा मुद्दा उपस्थित केला की मंदिर परिसरात हाणामारी होताना पोलिस प्रशासन आणि व्यवस्थापन नियोजन समिती तेथील सुरक्षा रक्षक कोठे होते.?
प्रशासनाने स्वतः चे अपयश झाकण्यासाठी गुरव पुजारी समाजाला टार्गेट केले जात आहे तरी जोतिबाच्या कुळाचार धार्मिक विधी करण्यासाठी पुजारी बांधवांच्या घरी उतरणारे भाविकांनीच पुजाऱ्यांची सत्य बाजू मांडण्यासाठी सहकार्य करावे.
असे गुरव विकास प्रतिष्ठान महाराष्ट्र अध्यक्ष श्री नवलजी शेवाळे यांच्या वतीने  आवाहन करण्यात आले. जोतिबाच्या परीसरात जवळपास 700 पुजारी बांधव आहेत आणि प्रत्येक घरात महाराष्ट्र - कर्नाटकातून भाविक - भक्त कुलाचारांचे धार्मिक विधी करण्यासाठी ह्या गुरव पुजारींच्या घरी नैवेद्य -शिधा घेऊन येतात त्यांच्या आदरातिथ्य येथील गुरव पुजारी मनोभावे करीत आले आहेत त्या प्रत्येक भाविक भक्तांनी आपल्या पुजारींचे समर्थन  पत्राद्वारे मुख्यमंत्री महोदयांपर्यत पोहोचवावे असे प्रतिष्ठानतर्फे आवाहन करण्यात आले आहे.