*नंदुरबारात सर्रास सुरू अवैध व्यवसायाविरुद्ध तात्काळ कारवाई करण्याबाबत,ऑल इंडिया मजलिस -ए-इत्तेहादुल मुस्लिमीन यांच्यातर्फे पोलीस निरीक्षक यांना निवेदन*
नंदुरबार(प्रतिनिधी):-नंदुरबार शहरात सर्रास सुरू असलेल्या सट्टा, जुगार व अंमली पदार्थ व्यवसायाविरुद्ध तात्काळ कारवाई करण्याबाबतचे निवेदन ऑल इंडिया मजलिस -ए-इत्तेहादुल मुस्लिमीन यांच्यातर्फे शहर पोलीस ठाण्याचे पोलीस निरीक्षक निलेश देसले यांना देण्यात आले आहे. नंदुरबार शहरामध्ये सध्या सट्टा, जुगार व मादक पदार्थांचे व्यवसाय मोठ्या प्रमाणावर व बिनधास्तपणे सुरू आहे. बस स्टैंड परिसर, जळका बाजार, अमृत चौक यांसारख्या गर्दीच्या ठिकाणी खुलेआम सट्टा व जुगार चालत असून, अंमली पदार्थांचीही सर्रास विक्री सुरु आहे. यामुळे कायदा व सुव्यवस्थेवर गंभीर परिणाम होत आहे.
स्थानिक नागरिकांमध्ये यामुळे नाराजीचे वातावरण निर्माण झाले असून, पोलीस प्रशासनाच्या कार्यक्षमतेवर व दक्षतेवर प्रश्नचिन्ह निर्माण होत आहे. अशा प्रकारे उघडपणे बेकायदेशीर व्यवसाय सुरू राहणे ही अत्यंत गंभीर बाब आहे. सदर प्रकरणाची तात्काळ दखल घेऊन संबंधित ठिकाणी छापेमारी करून कठोर कार्रवाई करावी व नंदुरबार शहरातील सट्टा, जुगार व अंमली पदार्थ व्यवसाय पूर्णपणे बंद करण्यात यावा. तसेच, यामध्ये सहभागी असलेल्या व्यक्तीवर कायदेशीर कारवाई करण्यात यावी, निवेदनावर नंदुरबार पालिकेचे गटनेता व प्रतोद नगरसेवक सैय्यद रफत हुसेन सदाकत हुसेन, नंदुरबार पालिकेचे स्वच्छता वैद्यकीय आणि सार्वजनिक आरोग्य समिती सदस्य नगरसेवक आरिफ इस्माईल पिंजारी, आरिफ मोहम्मद सय्यद, मुक्तार बेग, मिर्झा, हाफिज अब्दुल पठाण, मलक जकारिया यांच्या स्वाक्षऱ्या आहेत.