*करी रोड, मुंबई येथील गोदरेज मैदानावर ‘सह्याद्री मार्लेश्वर मारळ चषक 2026’ उत्साहात संपन्न*
मुंबई(प्रतिनिधी):-करी रोड येथील गोदरेज मैदानावर, श्री मार्लेश्वर मारळ क्रिकेट संघ यांच्या वतीने आयोजित, आणि मार्लेश्वर पंचक्रोशी क्रिकेट समिती संलग्न, ‘श्री सह्याद्री मार्लेश्वर मारळ चषक 2026’ ही भव्य क्रिकेट स्पर्धा अत्यंत उत्साहपूर्ण वातावरणात पार पडली. या स्पर्धेत विविध भागांतील संघांनी उत्स्फूर्त सहभाग नोंदवत, क्रीडाप्रेमींसाठी रोमांचक सामने सादर केले. अंतिम सामन्यात कर्णधार प्रमोद धावडे यांच्या उत्कृष्ट कर्णधार रणनीतीने आणि सुमित रेवाळे आणि अनिरुद्ध यांनी उत्कृष्ट खेळाचे प्रदर्शन करत श्री मार्लेश्वर मारळ क्रिकेट संघाने विजेतेपद पटकावले.
कोकण सुपुत्र मुंबई नगरसेवक सचिन पडवळ यांचे विशेष मार्गदर्शन आणि सहकार्य लाभले. या स्पर्धेत प्रथम क्रमांक - श्री मार्लेश्वर मारळ क्रिकेट संघ, द्वितीय क्रमांक - श्री राजकोजी रेवाळेवाडी आंगवली, तृतीय क्रमांक - श्री आई शिंब्रादेवी विठ्ठल रखुमाई क्रिकेट संघ, ओझरे बुद्रुक,चतुर्थ क्रमांक - श्री सांबा कांडकरी कासार कोळवण क्रिकेट संघ या संघातील खेळाडूंनी सदर स्पर्धेत उत्कृष्ट कामगिरी करत प्रेक्षकांची मने जिंकली. तसेच  मालिकावीर - सुमित रेवाळे, उत्कृष्ट फलंदाज -  रणजीत पवार, उत्कृष्ट गोलंदाज - दिपक शेळके,
उत्कृष्ट क्षेत्ररक्षक - अभिजीत पांचाळ यांनी उत्कृष्ट खेळाचे प्रदर्शन करत वैयक्तिक पारितोषिके पटकावली
स्पर्धेचे नियोजन आणि आयोजन अत्यंत शिस्तबद्ध पद्धतीने करण्यात आले होते, यशस्वी आयोजनासाठी आयोजक, स्वयंसेवक, पंच, तसेच सहकार्य करणाऱ्या सर्व दानशूर व्यक्तींचे विशेष कौतुक करण्यात येत आहे.
स्पर्धा यशस्वीरीत्या पार पडल्याबद्दल, आयोजकांनी सहभागी सर्व संघांचे मनःपूर्वक आभार मानले असून, विजेत्या संघांचे अभिनंदन केले आहे.