*"शेवरे गावातील शिमगा उत्सव उत्साहात साजरा*
मंडणगड(प्रतिनिधी):-तालुक्यातील शेवरे गावातील प्रसिद्ध असलेल्या नवसाला पावणारी जागृत देवी वरदान देवीचा शिमगा उत्सव उत्साहात पार पडला फाल्गुण महिन्यातील दुसऱ्या होळीच्या दिवशी गावदेवी वरदान देवीची ढालकाठीची सहा दिवस गावोगावी मिरवणूक काढण्यात आली  गावोगावी भक्तगणांनी वरदान देवीच्या ढालकाठीचे दर्शन घेतले  सुवासनींनी देवीचे खणा नारळाने ओटी भरली आठव्या होळीच्या दिवशी ढालकाठीला वाजत गाजत शेवरे गावात आणली गेली सतत दोन दिवस गावात शिमगा उत्सव साजरा करण्यात आला आपली गावदेवी गावात आल्याने संपूर्ण गावभर आनंदाचे वातावरण पसरले होते महिलांनी  ढालकाठीला खांद्यावर वाजत गाजत स्वागत केले. ढाल काठीला उभी हातावर घेऊन नाचवीताना बघण्यासाठी आजूबाजूच्या खेडेगावातील भक्त जणांची अपार गर्दी झाली शिमगा उत्सव साजरा करण्यासाठी मुंबईकर चाकरमान्यांनी 100 टक्के उपस्थिती लावली खास आकर्षण म्हणजे यावर्षी वरदान देवीच्या नावे प्रसिद्ध झालेले यूट्यूब वरील गाणे गावा गावातून गाजले.