*बहुभाषिक ब्राह्मण महासंघ व सकल ब्राह्मण महासंघाच्या वतीने 3 एप्रिल ला सामूहिक मौंज मेळाव्याचे आयोजन*       

नांदेड(प्रतिनिधी):-अखिल भारतीय बहुभाषिक ब्राह्मण महासंघ जिल्हा शाखा नांदेड व सकल ब्राह्मण महासंघ च्या संयुक्त विद्यमाने मौंज कर्म महत्त्वाचे असल्यामुळे समाजातील विविध अडचणीचा विचार करून सामूहिक मौंज मेळावा दि. 3 एप्रिल 2026 ला करण्याचे आयोजन केल्याची माहिती आयोजकांनी दिली. 
अखिल भारतीय बहुभाषिक ब्राह्मण महासंघ जिल्हा शाखा नांदेड सामूहिक मुंज मेळाव्याचे हे चौथे वर्ष आहे. मागील तिन्ही सामूहिक मौंजी विधीपूर्वक, हौसेने, व उत्साहात संपन्न झाल्या आहेत. त्यामुळे दिवाळी झाली की मौंज मेळावा केव्हा आहे अशी विचारणा समाजातील काही कुटुंबीयांकडून सुरू होते. ब्राह्मण समाजात काही कुटुंबाकडे मनुष्य बुळ नाही तर काही कुटुंबांकडे पैसा नाही. अशी परिस्थिती असली तरी मौंज हे कर्म करणे आवश्यकच असते. समाजाच्या अशा बाबीचा विचार करून अखिल भारतीय बहुभाषिक  ब्राह्मण महा  संघाने व सकल ब्राह्मण समाजाच्या विचाराने व सहकार्याने सामूहिक मौंज मेळावा घेण्याचे ठरवले. व हे चौथे वर्ष आहे .यावेळी सामुहिक मौंज मेळावा दि 3 एप्रिल 2026 रोजी साई लाॅन्स मालेगाव रोड नांदेड येथे संपन्न होणार आहे. या मेळाव्यात बटूंच्या नोंदणी 25 मार्च पर्यंत करणे आवश्यक आहेत. या नोंदी अखिल भारतीय बहुभाषिक ब्राह्मण महासंघाचे नांदेड जिल्हा अध्यक्ष बंडोपंत कुंटूरकर 9403744449 महिला आघाडीच्या प्रदेशाध्यक्ष   सौ. सरला शेष, मराठवाडा संघटक सखाराम कुलकर्णी 7972951502 , संघटक प्रा. रमाकांत जोशी चिखलीकर 9881524065, सचिव दत्तात्रय पारखे, सतीश गुरू  पोतदार, जगदीश  कुंटूरकर यांचे कडे नोंदणी करावी. व 25 तारखेला नोंदणी मुदत संपल्यानंतर बटूंच्या  पालकांची बैठक घेऊन मौंज कार्यक्रमाचे मार्गदर्शन करण्यात येणार आहे. तरी समाजातील जास्तीत जास्त ब्रह्म बंधूंनी जास्तीत जास्त बटूंची नोंदणी करावी. असे आवाहन मौंज मेळाव्याच्या आयोजकांनी केले आहे.