*कै. यशवंतराव पाटील यांच्या स्मरणार्थ 90 बेल वृक्षांचे रोपवाटप*
नंदुरबार(प्रतिनिधी):-तालुका विधायक समितीचे सचिव कैलासवासी नानासाहेब यशवंतराव पाटील यांच्या निधनानंतर त्यांच्या वयाच्या 90 वर्षांच्या स्मरणार्थ संस्थेमार्फत 90 बेल वृक्षांची रोपे उपलब्ध करून देण्यात आली. दिनांक 7 मार्च 2026 रोजी आयोजित उत्तरकार्याच्या कार्यक्रमात प्राचार्य डॉ. पी. एस. सोनवणे यांनी या उपक्रमाची माहिती देऊन समाजातील अनिष्ट प्रथांना आळा घालण्याचा व पर्यावरण संवर्धनाचा संदेश दिला. या प्रसंगी आमदार चंद्रकांत रघुवंशी, राम रघुवंशी, मनोज रघुवंशी, बी के पाटील तसेच यशवंत देवराम पाटील यांचे नातेवाईक, आप्तेष्ट व नंदुरबार तालुका विधायक समितीचे कर्मचारी उपस्थित होते. उपस्थितांनी बेल वृक्षाची रोपे घेऊन त्यांची लागवड व संवर्धन करावे, हीच कैलासवासी नानासाहेब यशवंतराव पाटील यांना खरी श्रद्धांजली ठरेल, असे आवाहन करण्यात आले.
कार्यक्रमाच्या शेवटी यशवंतराव पाटील यांचे चिरंजीव गुलाबराव पाटील व शिवाजीराव पाटील यांनी संस्थेचे आभार मानले. वृक्षरोप वाटप उपक्रमाचे संयोजन प्रा. डॉ. एन. डी. नांद्रे यांनी केले.
कवठे, ता. साक्री (जि. धुळे) - समाजात रूढ झालेल्या उत्तरकार्याच्या खर्चिक व अनिष्ट प्रथांना पर्याय म्हणून कैलासवासी यशवंतराव पाटील यांच्या दशक्रिया विधीच्या निमित्ताने वृक्षारोपणाचा अभिनव उपक्रम राबविण्यात आला. मातृ-पितृ आचार्य श्रुती जागरण सेवाभावी संस्था, कवठे यांच्या वतीने हा उपक्रम आयोजित करण्यात आला. संस्थेचे अध्यक्ष प्राचार्य बी. एस. पाटील यांनी कुटुंबातील सदस्यांच्या सहभागातून संस्थेची स्थापना केली असून संस्थेचे सदस्य दरवर्षी सामाजिक कार्यासाठी 11000 रुपयांची देणगी देतात. या निधीतून विविध समाजोपयोगी उपक्रम राबविले जातात.