*श्री गुरु तेग बहादूर यांच्या 350 व्या शहीदी समागम कार्यक्रमास, जिल्ह्यातील जास्तीत जास्त नागरिकांनी उपस्थित रहावे-आशा संघवी*
नंदुरबार(प्रतिनिधी):-‘हिंद-दी-चादर’ श्री गुरु तेग बहादूर यांचे 350 वे शहीदी समागम शताब्दी वर्ष असल्याने, त्यांचा गौरवशाली इतिहास व बलिदान सर्वांना माहित व्हावे, यासाठी 28 फेब्रुवारी ते 01 मार्च, 2026 रोजी ओवे मैदान, सेक्टर 29 खारघर, नवी मुंबई येथील समागम कार्यक्रम आयोजित करण्यात आला असून या कार्यक्रमास जिल्ह्यातील नागरिकांनी उपस्थित रहावे असे आवाहन समन्वय अधिकारी तथा निवासी उपजिल्हाधिकारी आशा संघवी यांनी केले आहे. या कार्यक्रमाच्या पूर्वतयारीच्या अनुषंगाने आज जिल्हाधिकारी कार्यालयाच्या रंगावली सभागृहात सिख, सिकलकर, बंजारा, लबाना, सिंधी, मोहियाल, वाल्मिकी, उदासिन व भगत नामदेव परंपरा समाज या समाजबांधवांची बैठक समन्वय अधिकारी तथा निवासी उपजिल्हाधिकारी आशा संघवी यांच्या अध्यक्षतेखाली घेण्यात आली. या बैठकीस बंजारा समाजाचे राष्ट्रीय अध्यक्ष श्रावण चव्हाण, जिल्हास्तरीय अशासकीय सदस्य प्रेमसिंग चव्हाण, अशासकीय सदस्य भावेशकुमार पवार, युवराज चव्हाण, रणजित चव्हाण, पुरुषोत्तम चव्हाण, जितेंद्र पवार, किशोर राठोड, केसरसिंग नायक, प्रेम चव्हाण, रामसिंग राठोड, शिवाजी चव्हाण, दयालसिंग सरदार, जिगरसिंग सरदार, प्रताप नायक, सुदर्शन चव्हाण आदी मान्यवर यावेळी उपस्थित होते. श्री गुरु तेग बहादूर यांच्या बलिदानाचा इतिहास सर्वांपर्यंत पोहोचवण्यासाठी खारघर येथील कार्यक्रमात समाजाने मोठ्या संख्येने सहभागी व्हावे, असेही आवाहन समन्वय अधिकारी तथा निवासी उपजिल्हाधिकारी श्रीमती संघवी यांनी यावेळी केले.