*एकलव्य विद्यालय व ज.ग. नटावदकर कनिष्ठ महाविद्यालय येथे कै.शालिनी जयंत नटावदकर यांच्या पुण्यस्मरणार्थ सामाजिकशास्त्र विभागातर्फे  सामान्य ज्ञान स्पर्धा परीक्षा*
नंदूरबार(प्रतिनिधी):-एकलव्य विद्यालय व ज.ग. नटावदकर कनिष्ठ महाविद्यालय येथे कै.शालिनी जयंत नटावदकर यांच्या पुण्यस्मरणार्थ सामाजिकशास्त्र विभागातर्फे  सामान्य ज्ञान स्पर्धा परीक्षा विद्यालय तसेच कनिष्ठ महाविद्यालयात घेण्यात आली. या परीक्षेत यशस्वी होणारे विद्यार्थी संस्थास्तरीय स्पर्धेसाठी पात्र ठरतील. परीक्षा नियंत्रण विद्यालयाचे मुख्याध्यापक सुनील चौधरी यांनी केले तर स्पर्धेचे आयोजन समाजशास्त्र विभागाचे संस्थेचे प्रमुख पुष्पराज पारधी आणि विद्यालयाचे इतिहास विभाग प्रमुख किरण डेहनकर व सर्व सामाजिक शास्त्र शिकविणारे शिक्षक यांनी केले. या परीक्षेत कनिष्ठ  महाविद्यालयाचे 120 विद्यार्थी तर विद्यालयाचे 500 विद्यार्थ्यांनी सहभाग घेतला. संस्थेचे अध्यक्ष डॉ सुहास नटावदकर आणि माजी प्राचार्या सुहासिनी नटावदकर यांनी सर्व सहभागी विद्यार्थ्यांना परीक्षेसाठी शुभेच्छा दिल्या. तसेच विद्यालयाच्या सर्व शिक्षकांच्या सहभागाने ही परीक्षा यशस्वीरित्या संपन्न झाली.