*डॉ. झाकीर हुसेन मदरसा आधुनिकीकरण योजनेसाठी अर्ज करावे-शशांक काळे*
नंदुरबार(प्रतिनिधी):-राज्यातील मदरसांचे आधुनिकीकरण करण्यासाठी शासनाने सुरू केलेल्या डॉ. झाकीर हुसेन मदरसा आधुनिकीकरण योजनेअंतर्गत सन 2025-26 या आर्थिक वर्षासाठी अनुदान मिळवू इच्छिणाऱ्या मदरस्यांनी त्यांचे प्रस्ताव 14 नोव्हेंबर, 2025 पर्यंत सादर करावे असे आवाहन जिल्हा नियोजन अधिकारी तथा जिल्हा अल्पसंख्याक अधिकारी शशांक काळे यांनी एका शासकीय प्रसिद्धी पत्रकान्वये केले आहे. डॉ. झाकीर हुसेन मदरसा आधुनिकीकरण योजनेअंतर्गत रुपये 10 लाख रक्कमेपर्यंत प्रस्ताव सादर करता येणार असून इछुक मदरस्यांनी जिल्हा अल्पसंख्यांक अधिकारी तथा जिल्हा नियोजन अधिकारी, जिल्हा नियोजन समिती, जिल्हाधिकारी कार्यालय, नंदुरबार यांच्याकडे मुदतीत प्रस्ताव सादर करावे असेही, जिल्हा नियोजन अधिकारी तथा जिल्हा अल्पसंख्याक अधिकारी काळे यांनी शासकीय प्रसिद्धी पत्रकान्वये कळविले आहे.