*कुणबी युवा मुंबई यांच्या वतीने 22 ऑक्टो रोजी साहित्य संघ मंदिरात 'युवा मेळावा' व 'बळी पहाट' कार्यक्रम*
मुंबई(प्रतिनिधी):-दिवाळीच्या उत्सवी वातावरणात जशी “दिवाळी पहाट” असते तशीच आपल्या मातीच्या सुगंधातून, श्रमाच्या तेजातून आणि संस्कृतीच्या आत्म्यातून उगवणारी “बळी पहाट” ही आहे नव्या सामाजिक जागृतीची, आत्मभानाची आणि स्वाभिमानाची पहाट! ही पहाट आहे त्या शेतकरी, कष्टकरी, श्रमिक वर्गाची, ज्यांच्या घामावर हे जग उभं आहे. कुणबी युवा मुंबई आयोजित  कुणबी कलामंच प्रस्तुत शेतकरी कष्टकरी वर्गाची "बळी पहाट" शोध इतिहासाच, सत्य संस्कृतीचा
एक प्रबोधनात्मक नाट्यकृती “निर्णय तुमच्या हाती चला - जगण्याची दिशा बदलूया!” 22 ऑक्टोबर 2025 बुधवार रोजी सकाळी 6.30 वा.
साहित्य संघ मंदिर, चर्नी रोड, गिरगाव, मुंबई येथे दिवाळी पहाट कार्यक्रमाचे आयोजन करण्यात आले आहे. सदर कार्यक्रमाला कुणबी बंधू भगिनींनी मोठ्या संख्येने उपस्थित रहावे असे आवाहन कुणबी युवा मुंबई कुणबी कलामंच प्रचार प्रसार विभागाने केले आहे.