*ज्ञान विकास सेवा संघ भालावली, देविहसोळ या माजी विद्यार्थी संघाच्यावतीने विद्यार्थी गुणगौरव समारंभ संपन्न*
राजापूर(प्रतिनिधी):-ज्ञानविकास सहकारी हायस्कूल भालावली, तालुका- राजापूर येथे दिनांक 28 जून 2025 रोजी ज्ञानविकास सेवा संघ भालावली देविहसोळ या माजी विद्यार्थी संघाच्या   वतीने सन 2024- 25 मधील इयत्ता 10 वी उत्तीर्ण विद्यार्थ्यांचा गुणगौरव समारंभ संपन्न झाला. ज्ञान विकास सेवा संघाचे अध्यक्ष विजय चौगुले यांच्या अध्यक्षते खाली सदर कार्यक्रमाचे आयोजन करण्यात आले होते. सदर कार्यक्रमाला भालावली हायस्कूलचे मुख्याध्यापक सवदे व सहकारी, माजी मुख्याध्यापक लोटलीकर, खजिनदार संजय गुरव,सदस्य संतोष मराठे, कमलाकर गुरव, अशोक सिनकर, अनंत गुरव, माजी पोलीस पाटील सूर्यकांत सिनकर, माजी विद्यार्थी व पालक बहुसंख्येने उपस्थित होते. सन 2024- 25 मध्ये शालांत परीक्षा उत्तीर्ण झालेल्या प्रथम क्रमांक आर्या मनोज भोसले, द्वितीय क्रमांक आर्या विवेकानंद केळकर आणि तृतीय क्रमांक आर्या रमेश विचारे या गुणवंत विद्यार्थ्यांना भेटवस्तू देऊन सन्मानित करण्यात आले. सदर कार्यक्रम यशस्वी करण्यासाठी सांडये गुरुजी, गुरुदास भोसले, भरत गुरव, अविनाश भोवड, रवींद्र लिगम, सचिन म्हादये, शांताराम झोरे, श्रीकांत बागाव, अनंत वारिक, अनंत खानविलकर व संघाचे सर्व सदस्य यांचे विशेष योगदान लाभले.