*शिरपुर येथे 1 डिसेंबर ते 7 डिसेंबर दरम्यान प्रदीप मिश्रा यांच्या शिवपुराण कथा कार्यक्रमाचे आयोजन, जिल्ह्यातील वाहतुकीत बदल*
नंदूरबार(प्रतिनीधी):-शिरपुर जि. धुळे येथे 01 डिसेंबर 2024 ते 07 डिसेंबर 2024 रोजी पावेतो प्रदीप मिश्रा यांचे शिवपुराण कथा कार्यक्रमाचे आयोजन करण्यात आलेले आहे. सदर कार्यक्रमाकरिता धुळे जिल्ह्याच्या आजुबाजुच्या जिल्ह्यातुन तसेच गुजरात व मध्यप्रदेश राज्यातुन 10 ते 12 लाख भाविक कथा ऐकण्या करीता येणार असल्याबाबत आयोजकांनी कळविले आहे. कार्यक्रमाचे ठिकाण हे बहऱ्हाणपुर अंकलेश्वर राष्ट्रीय महामार्ग क्र.753 B वर शहादाकडून चोपडाकडे जाणाऱ्या व येणाऱ्या मार्गावर आहे. सदर मार्गावरील जाणाऱ्या अवजड वाहनांमुळे राष्ट्रीय महामार्गावरील शिवपुराण कथेस येणाऱ्या भाविकांना येण्या-जाण्या करीता अडथळा निर्माण होण्याची शक्यता नाकारता येत नाही. त्याकरीता वाहतुक मार्गामध्ये  01 डिसेंबर 2024 सकाळी 06.00 ते 07 डिसेंबर 2024 रोजीचे रात्री 20.00 वाजे पावेतो शहादा कडुन चोपडा जाणारे अवजड वाहन हे शहादा अनरदबारी सारंगखेडा दोंडाईचा शिंदखेडा सावळदे शिरपुर टोलनाका मार्गे चोपडाकडे विळविण्याकरिता अधिसूचना / आदेश  जारी केले आहेत. संबंधित विभागाकडून उपरोक्त मार्गाने वाहन वळविणेबाबत अहवाल मागविण्यात आला होता. त्या अनुषंगाने उपोदघातातील क्रमांक. 05 अन्वये उपरोक्त वाहतुक रस्त्यावरील शहादा शिरपुर चोपडा मार्गावरील वाहतुक शहादा अनरद बारी दोंडाईचा शिंदखेडा सुकवद, गिधाडे सावळदे, टोलनाकामार्गे चोपडा वळविल्यास सदर रस्त्यावर साक्र 4/200 मध्ये गिधाडे गावाजवळ तापी नदीवरील पुल हा ब्रिटीशकालीन (100 वर्ष पुर्वीचा) जुना पुल आहे. सद्यास्थीतीत सदर पुलावरील अवजड वाहतुक यापुर्वीच बंद केलेली आहे. त्यामुळे "शहादा अनरदबारी सारंगखेडा- दोंडाईचा- शिंदखेडा -होळ- नरडाणा वर्षी सावळदे शिरपूर टोलनाका मार्गे चोपडा" कडे वाहतुक वळविणेबाबत कार्यकारी अभियंता, सा. बां. (उत्तर) विभाग, धुळे यांचा अभिप्राय आलेला आहे. त्यास्तव, प्रस्तावित मार्गावरील वाहतुकीचे होणारी कोंडी टाळण्यासाठी तसेच काही अनुचित प्रकार घडू नये. तसेच कायदा व सुव्यवस्थेचा प्रश्न निर्माण होवू नये. याकरिता सार्वजनिक हिताचा दृष्टीकोनातून नमूद मार्गावरील अवजड वाहनाची वाहतुक वळविणे आवश्यक आहे असे जिल्हादंडाधिकारी, नंदुरबार महाराष्ट्र पोलीस अधिनियम 1951 चे कलम 33(s) व मोटार वाहन अधिनियम, 1988 चे कलम 115 अन्वये यांना प्रदान केलेल्या अधिकाराचा वापर करण्यात येवून वरील बाब विचारात घेता दिनांक 01 डिसेंबर 2024 सकाळी 06.00 ते दि. 07 डिसेंबर 2024 रोजीचे रात्री 20.00 वाजे पावेतो शहादा कडुन चोपडा जाणारे अवजड वाहन हे "शहादा अनरदबारी सारंगखेडा- दोंडाईचा शिंदखेडा होळ- नरडाणा वर्षी सावळदे शिरपूर टोलनाका मार्गे चोपडा" कडे वळविणेबाबत याद्वारे आदेशीत करीत आहे. नमूद मार्गावरील वाहतूक वळविणेबाबत उपप्रादेशिक परिवहन विभाग व पोलीस प्रशासनाने आवश्यक ती खबरदारी व दक्षता घेण्यात यावी. त्याचप्रमाणे वाहतुक वळविणेत आलेल्या ठिकाणी आवश्यक ते पथक, बॅरेकेटींग, दिशा दर्शक फलक यासह योग्य तो पोलीस बंदोबस्त तैनात ठेवण्यात यावा असे आदेशित करण्यात आले आहे.