*डाक कार्यालयातही आधार कार्ड काढण्याच्या सुविधा उपलब्ध-हरी प्रसाद*
नंदुरबार(प्रतिनीधी):-केंद्र व राज्य शासनाच्या विविध योजनांचा लाभ मिळण्यासाठी आणि शैक्षणिक कामकाजासाठी आधारकार्ड अद्ययावत असणे आवश्यक असून यासाठी जिल्ह्यातील सर्व डाक कार्यालयात नवीन आधार कार्ड काढणे, दुरुस्ती करणों व अद्ययावत करणे ही सुविधा सुरु करण्यात आली आहे, अशी माहिती धुळे डाक विभागाचे प्रवर डाक अधिक्षक हरी प्रसाद यांनी एका शासकीय प्रसिद्धी पत्रकान्वये कळविली आहे.
नंदुरबार जिल्ह्यातील नंदुरबार मुख्य पोस्ट् कार्यालय, शहादा, तळोदा, अक्‌कलकुवा, धडगांव व नवापूर या पोस्ट् कार्यालयात नवीन आधारकार्ड काढणे व आधार कार्डमध्ये दुरुस्ती करणे या सुविधा उपलब्ध करून दिल्या आहेत. नवीन आधारकार्ड काढणे पूर्णपणे मोफत असून दुरुस्तीसाठी शासकीय नियमानुसार शुल्क आकारण्यात येईल. तरी या सुविधेचा नंदुरबार जिल्ह्यातील नागरिकांनी जास्तीत जास्त प्रमाणात लाभ घ्यावा असे आवाहनही प्रवर डाक अधिक्षक हरी प्रसाद यांनी शासकीय प्रसिद्धी पत्रकान्वये केले आहे.