*हिंदू जनजागृती समितीतर्फे विजयादशमीनिमित्त शस्त्रपूजन उत्साहात संपन्न*
- देश-विदेश
- व्यवसाय
- मनोरंजन
- राजनीति
- विशेष बातमी
- थोडक्यात बातमी
- स्लाइडर
- खेळ
- आध्यात्मिकता
- आरोग्य
- ठळक बातम्या
*हिंदू जनजागृती समितीतर्फे विजयादशमीनिमित्त शस्त्रपूजन उत्साहात संपन्न*
*हिंदू जनजागृती समितीतर्फे विजयादशमीनिमित्त शस्त्रपूजन उत्साहात संपन्न*
नंदुरबार(प्रतिनिधी):-हिंदू जनजागृती समितीच्या वतीने विजयादशमी निमित्त श्री मोठा मारुती मंदिर येथे शास्त्रोक्त विधीने शस्त्रपूजन करण्यात आले. या वेळी शस्त्रांचे महत्त्व, भारतीय संस्कृतीतील शस्त्रपूजनाची परंपरा तसेच धर्मरक्षण आणि राष्ट्ररक्षणासाठी सज्ज राहण्याची आवश्यकता याविषयी मार्गदर्शन करण्यात आले.
विजयादशमी हा सण विजय, शौर्य आणि धर्माच्या रक्षणाचे प्रतीक मानला जातो. या परंपरेनुसार आयोजित करण्यात आलेल्या शस्त्रपूजन सोहळ्यात उपस्थितांनी शस्त्रपूजनाचे सांस्कृतिक आणि ऐतिहासिक महत्त्व जाणून घेतले. या कार्यक्रमाला श्री मोठा मारुती मंदिराचे अध्यक्ष अशोक चौधरी, माजी सैनिक अरविंद निकम, उद्योगपती नितेश अग्रवाल, नंदुरबार नगर परिषदेचे विरोधी पक्षनेते हिरालाल चौधरी, हिंदुत्ववादी महेंद्र जैन, मंदिराचे विश्वस्त कल्याण पाटील व भास्कर मराठे, हिंदू सेवा सहाय्य समितीचे नरेंद्र पाटील, मंदिराचे पुजारी विलास जोशी, शिवप्रतिष्ठान हिंदुस्थानचे नरेंद्र तांबोळी, देवा कासार व दिग्विजय ठाकरे उपस्थित होते.
तसेच हिंदू जनजागृती समितीचे सतीश बागुल, जितेंद्र मराठे, हर्षल देसाई व राहुल मराठे यांच्यासह विविध हिंदुत्ववादी संघटनांचे पदाधिकारी, कार्यकर्ते आणि बंधू-भगिनी मोठ्या संख्येने उपस्थित होते.
कार्यक्रमाच्या शेवटी श्री दुर्गादेवीचा नामजप करण्यात आला. त्यानंतर हिंदुराष्ट्र स्थापनेसाठी प्रतिज्ञा घेऊन कार्यक्रमाची सांगता करण्यात आली. धार्मिक श्रद्धा, सांस्कृतिक परंपरा आणि राष्ट्रनिष्ठेचा संदेश देणारा हा सोहळा उत्साहपूर्ण वातावरणात पार पडला.