*पेसा निधीतून विद्यार्थ्यांना क्रीडा गणवेशांचे वाटप, प्रकाशा ग्रामपंचायतीचा उपक्रम*
नंदुरबार(प्रतिनिधी):-शहादा तालुक्यातील ग्रामपंचायत प्रकाशा यांच्या पेसा निधीतून जिल्हा परिषद प्राथमिक केंद्र शाळा प्रकाशा, कन्या शाळा, उर्दू शाळा, शामनगर व रामनगर येथील विद्यार्थ्यांना क्रीडा गणवेशांचे (स्पोर्ट्स ड्रेस) वाटप करण्यात आले. ग्रामपंचायतीच्या सरपंच राजनंदिनी भील यांच्या हस्ते विद्यार्थ्यांना गणवेशांचे वितरण करण्यात आले.
कार्यक्रमाच्या प्रारंभी क्रांतिवीर बिरसा मुंडा, क्रांतीकारक तंट्या मामा भिल आणि क्रांतिवीर खाज्या नाईक यांच्या प्रतिमांचे पूजन मान्यवरांच्या हस्ते करण्यात आले. त्यानंतर विद्यार्थ्यांना क्रीडा गणवेशांचे वितरण करण्यात आले.
यावेळी शिक्षण विस्तार अधिकारी सुनील तावडे, केंद्रप्रमुख मनोज पिंजारी, ग्रामविकास अधिकारी बी. जी. पाटील, ग्रामपंचायत सदस्य अमृत ठाकरे, प्रकाश ठाकरे, राजू भिल, रवींद्र भिल, अशोक ठाकरे, रवींद्र नाईक, शाळा व्यवस्थापन समितीचे अध्यक्ष योगेश ठाकरे, विनोद शिंदे, जाकीर, पुनीलाल ठाकरे तसेच पालक प्रतिनिधी संजू पाडवी, सन्या भिल, राजू लोहार उपस्थित होते.
तसेच मुख्याध्यापक रविंद्र पाटील, जावेद, रामलाल पारधी, शिक्षिका संगीता राणे, नूतन पाटील, प्रियंका पाटील तसेच शिक्षक गोपाल गावित, जितेंद्र चौधरी, अंकुश गावित यांच्यासह विद्यार्थी, पालक आणि ग्रामस्थ मोठ्या संख्येने उपस्थित होते.
याप्रसंगी शिक्षण विस्तार अधिकारी सुनील तावडे यांनी विद्यार्थ्यांना शिक्षणाबरोबरच क्रीडा क्षेत्रातही प्रगती करण्याचे आवाहन केले. ग्रामपंचायत प्रकाशा यांनी पेसा निधीतून विद्यार्थ्यांसाठी राबविलेल्या या उपक्रमाचे त्यांनी विशेष कौतुक केले.
कार्यक्रमाच्या समारोपापूर्वी मान्यवरांच्या हस्ते शालेय परिसरात वृक्षारोपण करण्यात आले. विद्यार्थ्यांच्या सर्वांगीण विकासासाठी ग्रामपंचायतीने हाती घेतलेल्या या उपक्रमाचे पालक व ग्रामस्थांनी स्वागत करून समाधान व्यक्त केले.