*शिवराज्याभिषेक दिनानिमित्त मिरवणूक व शिवकालीन युद्धकला प्रात्यक्षिकांचे आयोजन*
नंदुरबार(प्रतिनिधी):-छ. शिवाजी महाराज यांचा तिथीनुसार 353 व्या शिवराज्याभिषेक दिनानिमित्त मिरवणूक व शिवकालीन युद्धकला मर्दानी खेळाचे चित्तथरारक प्रात्यक्षिक यांचे आयोजन करण्यात आले आहे. हिंदु सेवा सहाय्य समिती आयोजित या मिरवणुकीत छत्रपती शिवाजी महाराज यांच्या प्रतिमेची पालखी शोभायात्रा, धर्मवीर संभाजीराजे यांच्या बलिदानाचा जीवंत देखावा, शिवकालीन युद्धकला प्रात्यक्षिक  कार्यक्रम शनिवार दिनांक 27 जून रोजी दुपारी 4.30 वाजता नाटय मंदिर येथून अभिषेक पूजनाने सुरुवात होणार आहे. मिरवणूक छत्रपती शिवाजी महाराज नाट्य मंदिर, मोठा मारुती मंदिर, शक्ती सागर चौक, दादा गणपती, काका गणपती, सिद्धिविनायक चौक, मंगळ बाजार, शिवस्मारक जुनी नगरपालिका, अंधारे स्टॉप मार्गे नाटय मंदिर याठिकाणी पूजन आरतीने समारोप होईल. नंदुरबार शहरात होणाऱ्या शिवराज्याभिषेक सोहळ्या निमित्त मिरवणूक व शिवकालीन युद्धकला प्रात्यक्षिकांचे  आयोजन करण्यात आले आहे. तरी सर्व शिवभक्त हिंदुत्ववादी यांनी शिवराज्याभिषेक सोहळ्यात सहभागी व्हावे असे आवाहन हिंदु सेवा सहाय्य समितीकडून करण्यात आले आहे.