*शनिमांडळ येथील साधना विद्यालयात दहावीच्या विद्यार्थ्यांना निरोप*
नंदुरबार(प्रतिनिधी):-नंदुरबार तालुका विधायक समिती संचालित, साधना विद्यालय व कनिष्ठ महाविद्यालय शनिमांडळ येथे निरोप समारंभ संपन्न झाला. साधना विद्यालय व कनिष्ठ महाविद्यालय शनिमांडळ येथे आज इयत्ता दहावीच्या विद्यार्थ्यांचा निरोप समारंभ संपन्न झाला. या कार्यक्रमाचे अध्यक्षस्थानी एस ए मिशन हायस्कूलचे पर्यवेक्षक विजय पवार यांची उपस्थिती लाभली व त्यांची धर्मपत्नी सुजाता पवार सुद्धा या कार्यक्रमात उपस्थित होते. एस ए मिशन हायस्कूलचे पर्यवेक्षक विजय पवार यांचे वडील आदर्श शिक्षक रघुनाथ पवार व आई अंगणवाडी सेविका मंदाकिनी पवार यांच्या प्रित्यर्थ दरवर्षी इयत्ता दहावीच्या निरोप समारंभात येऊन विद्यार्थ्यांना मार्गदर्शन करतात व विद्यार्थ्यांना शैक्षणिक भेटवस्तू देऊन विद्यार्थ्यांचे मनोबल वाढवत असतात. साधना विद्यालय व कनिष्ठ महाविद्यालय येथील मुख्याध्यापक तथा प्राचार्य कुंदन पाटील यांच्या हस्ते दोघी दाम्पत्यांचे स्वागत सत्कार करण्यात आला. प्रतिमा पूजन करून कार्यक्रमाची सुरुवात करण्यात आली. यावेळेस विद्यार्थी मनोगतात गौरव पाटील, प्रतिक पाटील,  सुमित माळी, हेमराज पाटील,  आदित्य माळी, हर्षदा बागुल, कल्याणी राजपूत यांनी सुद्धा आपले अनुभव व्यक्त करून सर्व गुरुजनांचे आभार मानले. शिक्षक मनोगतात एन वाय पाटील यांनी विद्यार्थ्यांना मार्गदर्शन केले व शुभेच्छा दिल्या.
यानंतर साधना विद्यालय व कनिष्ठ महाविद्यालयाचे मुख्याध्यापक तथा प्राचार्य कुंदन पाटील यांनी निरोप समारंभाच्या कार्यक्रमांमध्ये विद्यार्थ्यांना निरोप फक्त नावालाच आहे तुम्हाला माझी कधीही मदत लागली तरी  कधीही माझ्याकडे या, मी तुमची सर्व प्रकारची मदत करेल असे आश्वासन दिले आणि विद्यार्थ्यांना भविष्यासाठी शुभेच्छा दिल्या.
अध्यक्ष भाषणात विजय पवार यांनी विद्यार्थ्यांना निरोप समारंभाचे महत्त्व सांगत भविष्याबद्दल मार्गदर्शन केले. कार्यक्रमाचे सूत्रसंचालन इयत्ता दहावीच्या विद्यार्थिनी दिव्या पाटील व माहेश्वरी राजपूत यांनी केले. यावेळेस प्रास्ताविक पी यू आव्हाड यांनी केले या प्रास्ताविकेत त्यांनी विद्यार्थ्यांना खूप मौलिक मार्गदर्शन केले. आभार प्रदर्शन सी के राठोड यांनी केले.