*विद्यागौरव येथे इंटरऍक्टिव्ह पॅनल बोर्डचे उद्घाटन*
तळोदा(प्रतिनिधी):-विद्या गौरव प्रायमरी, गौरव सेकंडरी इंग्लिश मेडियम व गौरव आर्टस, कॉमर्स व सायन्स स्कूल ज्युनियर कॉलेज आमलाड येथे इंटरऍक्टिव्ह पॅनल बोर्ड चे उद्घाटन करण्यात आले. विद्यार्थ्यांना अधिक दर्जेदार व गुणवत्तापूर्ण कृतीयुक्त शिक्षण देण्यासाठी शाळेत इंटरऍक्टिव्ह पॅनल बोर्ड बसविण्यात आले याचे व डिजिटल वर्गाचे उदघाटन मुख्याध्यापक संघाचे माजी अध्यक्ष  निमेश सूर्यवंशी  यांच्या हस्ते करण्यात आले. यावेळी संस्थेचे मार्गदर्शक अशोक तांबोळी, ललित पाठक, विश्वास पवार, माध्यमिक विद्यालय आमलाड चे मुख्यध्यापक  नरोत्तम मराठे, यांसह तालुक्यातील सर्व माध्यमिक व उच्च माध्यमिकचे मुख्याध्यापक उपस्थित होते.