*स्वर्गीय विमलताई रघुवंशी यांच्या जयंती दिनानिमित्त दप्तर व गणवेश वाटप*
नंदूरबार(प्रतिनीधी):-नंदुरबार तालुका विधायक समितीच्या
श्रीडोंगऱ्यादेव माध्यमिक विद्यालय, कोकणीपाडा येथे संस्थेच्या माजी चेअरमन स्वर्गीय विमलताई रघुवंशी यांच्या जयंती दिनानिमित्त इयत्ता 5 वीत नवीन प्रवेशित झालेल्या 52 विद्यार्थ्यांना शाळेमार्फत शालेय बॅग व शालेय गणवेश वाटप करण्यात आले. त्याच बरोबर शिष्यवृत्ती परीक्षेत उत्तीर्ण होऊन शिष्यवृत्तीस पात्र झालेल्या विद्यार्थ्यांचा शाळेमार्फत सत्कार करण्यात आला.
शिक्षणाचे महत्त्व, विद्यार्थ्यांचा सार्वगिक विकास साधण्यासाठी व विविध स्पर्धा, परीक्षा याबाबत मार्गदर्शन करण्यात आले. कार्यक्रमाचे नियोजन व सूत्रसंचालन एम.डी. चौरे यांनी केले. कार्यक्रमाचे अध्यक्ष मुख्याध्यापक एस. वाय.परदेशी यांनी भूषविले व शिक्षणाच्या महत्वावर मार्गदर्शन केले. पी.एम. साळुंके, आर.एस. गांगुर्डे, व्ही.ए. वळवी यांनी मनोगत व्यक्त करत विद्यार्थ्यांना शुभेच्छा दिल्या. प्रास्ताविक के.व्ही. तायडे यांनी केले, आभार वाय. व्ही. कोकणी यांनी मानले. कार्यक्रम यशस्वी करण्यासाठी श्रीमती एस.व्ही. वळवी, एन. ए. कदमबांडे, राजू वळवी, दशरथ घुगे यांनी परिश्रम घेतले.