*शिरवली ते विलवडे रेल्वे स्थानक डांबरीकरण पूर्ण*
लांजा(प्रतिनिधी):-तालुक्यातील शिरवली ते विलवडे रेल्वे स्थानक या रस्त्यांवर पहिल्या टप्यात चारीचा माळ ते रेल्वे फाटक असा डांबरीकरण करण्यात आले होते परंतु त्यातील मुख्य उतारावरील डांबरीकरण अर्धवट असताना काम पूर्ण झाले असे दाखवून कंत्राटदार 2023 साली निघून गेला होता. त्यांनतर कंत्राटदार बरोबर संपर्क साधला असता उडवाउडवीची उत्तर मिळत होती. वरील काम अपूर्ण आणि निकृष्ट दर्जाचे झाले आहे हे शिरवली ग्रामपंचायत मार्फत उपसरपंच गोपीनाथ महादेव कुळये व सरपंच मा.सौ तेजिता राजापकर यांनी सार्वजनिक बांधकाम विभाग लांजा येथे जाऊन अधिकाऱ्यांना लेखी कळविले.व वारंवार सार्वजनिक बांधकाम विभागाला भेट देऊन अधिकाऱ्यांच्या पाठीशी लागून, त्यानंतर अधिकारी यांनी येऊन पाहणी करून हे काम पावसाळ्यापूर्वी पूर्ण होणे अपेक्षित होते परंतु विधानसभा निवडणुका व पावसामुळे उशीर झाला त्यांनतर मागील महिन्यात गाव भेटीवर आलेले विद्यमान आमदार किरण सामंत  त्यांच्या सोबत आलेल्या अधिकाऱ्यांना या कामाची आठवण करून देण्यात आली. आज हे काम आज पूर्णत्वास गेले आहे. ग्रामपंचायतीच्या‌ वतीने संयमाने पाठपुरावा करत काम पूर्णत्वास नेण्यासाठी प्रयत्न केल्याबद्दल
सरपंच आणि उपसरपंच ग्रामपंचायत शिरवली, मौजे शिरवली ग्रामस्थ मंडळ, समस्त ग्रामस्थ युवक मंडळ शिरवली यांनी केलेल्या प्रयत्नांचे
सर्वत्र कौतुक होत आहे.