*26/11 हल्ल्यात शहीद झालेल्या हुतात्म्यांच्या स्मृतीनिमित्त नंदुरबार शहर, शहादा, अक्कलकुवा पोलीस ठाणे येथे रक्तदान शिबीराचे आयोजन*
नंदूरबार(प्रतिनिधी):-26/11/2008 रोजी मुंबई येथे दहशतवादी हल्ल्यात शहीद झालेल्या हुतात्म्यांच्या स्मृतीप्रित्यर्थ नंदुरबार जिल्हा पोलीस दलातर्फे 26 नोव्हेंबर 2025 रोजी पोलीस मुख्यालय येथे रक्तदान शिबीराचे आयोजन करण्यात आले होते. त्याचप्रमाणे जिल्हा पोलीस अधीक्षक श्रवण दत्त.एस यांच्या मार्गदर्शनाखाली जिल्हयातील विविध पोलीस ठाण्यांमार्फत देखील रक्तदान शिबीराचे आयोजन करण्यात आले असुन त्यामध्ये नंदुरबार शहर, शहादा व अक्कलकुवा पोलीस ठाणे यांनी आपआपले पोलीस ठाणे हद्दीत रक्तदान शिबीराचे आयोजन केले. त्यामध्ये नंदुरबार शहर पोलीस ठाण्यात एकुण 55 ब्लड बॅग्स, शहादा पोलीस ठाण्यात 45 ब्लड बॅग्स तर अक्कलकुवा पोलीस ठाण्यात 25 ब्लड बॅग्सचे जिल्हा रक्त संक्रमण विभागाकडून संकलन करण्यात आले आहे. नमुद रक्तदान शिबीर कार्यक्रम जिल्हा पोलीस अधीक्षक श्रवण दत्त, एस, अपर पोलीस अधीक्षक आशित कांबळे यांच्या मार्गदर्शनाखाली नंदुरबार शहर पोलीस ठाण्याचे पोलीस निरीक्षक हेमंत पाटील, शहादा पोलीस ठाण्याचे पोलीस निरीक्षक निलेश देसले तसेच अक्कलकुवा पोलीस ठाण्याचे पोलीस निरीक्षक सारंग नवलकर यांनी आपआपल्या पोलीस ठाणे हद्दीत आयोजित करुन सामाजिक बांधिलकी जोपासण्याचे कर्तव्य पार पाडले आहे.